Кыргызстандарт

Жыл сайын 14-октябрда дүйнө коомчулугу Дүйнөлүк стандарттар күнүн белгилейт.

Жыл сайын бардык өлкөлөр үчүн эл аралык стандартизациянын өнүгүүсүнүн маанилүүлүгү жана анын дүйнөлүк экономикага тийгизген таасири белгиленип, коопсуз жана корголгон чөйрө жана жалпы планета түзүү багытындагы аракеттерге өзгөчө көңүл бурулат.

Жыл сайын дүйнө жүзү боюнча стандартизация кызматкерлеринин эмгеги белгиленип, алар бул маанилүү жана жоопкерчиликтүү ишке өз өмүрүн жана кесиптик чеберчилигин арнашат.

Ар жылы бул майрам дүйнө жүзү боюнча белгилүү бир ураандын алкагында өтөт.

2024-жылы майрам "Жакшы дүйнө үчүн жалпы көз караш. Туруктуу өнүгүү максаттарына жетүү үчүн стандарттар" деген ураандын алдында өткөрүлөт.

Өздөрүнүн салттуу кайрылуусунда үч алдыңкы эл аралык стандартизация уюмунун (IEC, ISO жана ITU) жетекчилери төмөнкүнү белгилешти:

Туруктуу өнүгүү максаттары (ТӨМ), социалдык теңсиздикти жоюуга, туруктуу экономиканы өнүктүрүүгө жана климаттын өзгөрүүсүнүн темпин азайтууга багытталгандыгы менен өтө амбициялуу. Бул максаттарга жетүү мамлекеттик жана жеке өнөктөштөрдүн кызматташуусун, ошондой эле бардык жеткиликтүү куралдарды, анын ичинде эл аралык стандарттар жана шайкештикти баалоо куралдарын колдонууну талап кылат. Дүйнөлүк пандемияга каршы күрөшүү ТӨМгө жетүү үчүн комплекстүү мамиленин зарылдыгын көрсөттү, бул биздин коомду чыңдап, аны туруктуу жана адилеттүү кылат. Бүгүн биз сиздерди дүйнөлүк экономиканы калыбына келтирүүдө ТӨМдүн маанилүүлүгүн ырастаган биздин миссияны аткарууга кошулууга чакырабыз. Бул шарттарда стандарттар мурдагыдан да актуалдуу.

Стандарттар системасынын бүтүндөй негизги өзөгү кызматташууга таянат. Бул кызматташтыктын күчүн жана биргелешип иштөө менен биз күчтүү экенибизге ишенимди көрсөтөт. Биргелешип иштөө менен биз туруктуу өнүгүү максаттарын чечүүгө реалдуу чечимдерди сунуштайбыз.

Дал ушул максатта биз Дүйнөлүк стандарттар күнүн көп жылдардан бери белгилеп, эл аралык стандарттар ТӨМгө ийгиликтүү жетүүгө кантип көмөктөшүп жатканын көрсөтүп келе жатабыз. Биз "Жакшы дүйнө үчүн жалпы көз караш" менен Стандарттар аркылуу 2030-жылга чейинки Күн тартибин ишке ашырууну тездетүү боюнча биргелешип иштөөдө биргебиз.

Кыргызстандарттын ишмердүүлүгү Кыргыз Республикасынын Улуттук орган катары Кыргызстандарттын ишмердүүлүгү актуалдуу эл аралык стандарттарды кабыл алууга, улуттук стандарттарды эл аралык нормаларга шайкеш келтирүүгө жана бардык кызыкдар тараптарга стандарттар боюнча ишенимдүү маалымат берүү максатында багытталган.

Кыргызстандарт энергияны үнөмдөө боюнча стандарттарды, суунун жана абанын сапатына байланыштуу стандарттарды кабыл алуу иштерин белгиленген тартипте жүргүзөт, бул иштер ТӨМгө ийгиликтүү жетүүгө жардам берет.

Ал ошондой эле ISO 9001, ISO 50001, ISO 14001 эл аралык стандарттарына ылайык сапат менеджмент системаларын, энергия менеджментин жана экологиялык менеджментти иштеп чыгууга жана ишке ашырууга көмөктөшөт.

Кыргызстандарт туруктуу негизде ЕАЭБдин техникалык регламенттеринин талаптарын, анын ичинде электр энергетикасы тармагында аткарууга көмөктөшөт.

Кыргыз Республикасынын өкүлдөрүн эл аралык, мамлекеттер аралык техникалык комитеттерге тартуу боюнча иштер жүргүзүлүп, эл аралык жана аймактык стандартташтыруу уюмдары менен байланыштарды кеңейтүү боюнча иштер жүргүзүлүүдө.

Кыргызстандарттын башкы максаты – стандартизация тармагындагы ишмердүүлүккө көңүл буруу, ата мекендик продукциянын сапатын жана атаандаштыкка жөндөмдүүлүгүн жогорулатуу, стандарттардын коом үчүн актуалдуу маселелерди чечүүдөгү ролун көрсөтүү.