Кыргызстандарт

Кыргызстандарттын адистери 2026-жылдын 27-29-майында Ысык-Көл облусунун Чолпон-Ата шаарында өткөн ШКУга мүчө мамлекеттердин аймак башчыларынын 5-форумуна жана бир тууган шаарлардын жолугушуусуна катышышты.

Иш-чаранын алкагында Кыргыз Республикасынын ата мекендик өндүрүүчүлөрүнүн продукцияларынын көргөзмөсү уюштурулду.

Форумдун катышуучулары ошондой эле ШКУ өлкөлөрүнүн бизнес делегациялары менен бизнес сүйлөшүүлөрүн жүргүзүштү.

Адистер "ШКУнун логистикасы жана транспорт коридорлору: ар кандай техникалык жөнгө салуу системаларында жана халал индустриясында ШКУ өлкөлөрүнүн ортосундагы аймактык кызматташтык жана бизнес өз ара аракеттенүү үчүн жаңы мүмкүнчүлүктөр" деген катарлаш панелдик сессияга катышышты.

Кыргызстандарттын Стандартташтыруу башкармалыгынын башчысы Д.Т. Айтмурзаева панелдик сессияда " Стандартташтыруу продукциянын сапатын жана атаандаштыкка жөндөмдүүлүгүн жогорулатуу куралы катары" темасында баяндама жасады.

Глобалдашып жаткан рыноктук чөйрөдө эл аралык соода жана өнөр жай кызматташтыгы бирдиктүү стандарттарды талап кылат. Ошондуктан стандартташтыруу продукциянын сапатын жана коопсуздугун камсыз кылуу жана соода тоскоолдуктарын жоюу үчүн маанилүү куралга айланууда.

Бүгүнкү күндө ШКУ өлкөлөрү стандартташтыруу жаатында кызматташууну активдүү өнүктүрүп жатышат. ШКУга мүчө мамлекеттердин улуттук стандартташтыруу органдарынын жетекчилеринин жолугушуулары уюштурулган.