Кыргызстандарт

              2025-жылдын 11-декабрында Россия Федерациясынын Москва шаарында КМШ Аткаруу комитетинин аянтында Стандартташтыруу, метрология жана сертификация жаатында макулдашылган саясатты жүргүзүү жөнүндө макулдашууга катышкан мамлекеттердин стандартташтыруу, метрология жана сертификация боюнча мамлекеттер аралык кеңешинин 68-жыйыны болуп өттү.

            Жыйын Кыргыз Республикасынын төрагалыгы астында – Кыргыз Республикасынын Экономика жана коммерция министрлигине караштуу Стандартташтыруу жана метрология борборунун директору Мусаев Айбек Нарынбековичтин төрагалыгы астында өттү.

           Кыргыз Республикасы 1992-жылдан бери Стандартташтыруу, метрология жана сертификация боюнча мамлекеттер аралык кеңешинин (МГС) мүчөсү болуп саналат. МГСтин 67-жыйынынын протоколуна ылайык, Кыргыз Республикасына МГСте 2 жылдык мөөнөткө - 2025-2026-жылдарга төрагалык кылуу милдети жүктөлгөн.

           МГСтин 68-жыйынына стандартташтыруу, метрология, шайкештикти баалоо жана аккредитация боюнча 8 улуттук органдын делегациялары: Азербайжан Республикасы, Армения Республикасы, Беларусь Республикасы, Казакстан Республикасы, Кыргыз Республикасы, Россия Федерациясы, Тажикстан Республикасы, Өзбекстан Республикасы, ошондой эле КМШ Аткаруу комитетинин жана Стандарттар боюнча бюронун өкүлдөрү катышты.

          Ошондой эле байкоочу катары "Стандарттар жана сапат" РИАсынын жана КМШнын Электроэнергетикалык кеңешинин өкүлдөрү катышты. Жыйындын күн тартибине ылайык, КМШга мүчө мамлекеттерде техникалык жөнгө салуу, стандартташтыруу, өлчөө бирдейлигин камсыз кылуу, шайкештикти баалоо жана аккредиттөө жаатында жүргүзүлүп жаткан иштерди талкуулоону; Стандартташтыруу, метрология жана сертификация боюнча мамлекеттер аралык кеңештин 2030-жылга чейинки өнүгүү стратегиясын ишке ашыруу боюнча иш-чаралар планын ишке ашырууну; техникалык жөнгө салуу, стандартташтыруу, метрология, шайкештикти баалоо жана аккредиттөө жаатында КМШнын ченемдик-укуктук базасын кайра карап чыгуу боюнча улуттук органдардын сунуштарын кошо алганда, 31 маселе каралды.

           Жыйындын катышуучуларынын кароосунун жана талкуусунун жыйынтыгында чыгарылган продукциянын сапатын жана атаандаштыкка жөндөмдүүлүгүн жогорулатуу, Макулдашууга катышкан мамлекеттердин илимий-техникалык жана соода-экономикалык байланыштарын чыңдоо боюнча актуалдуу маселелерди чечүү үчүн стандартташтыруу, метрология, шайкештикти баалоо жана аккредиттөө боюнча ишмердүүлүктү өркүндөтүүгө багытталган макулдашылган чечимдер кабыл алынды. МГСтин 69-жыйынын 2026-жылдын июль айында Кыргыз Республикасынын аймагында өткөрүү пландаштырылууда. Кошумча маалымат катары, № 67-2025 протоколуна ылайык, стандартташтыруу жаатындагы жетишкендиктери үчүн Стандартташтыруу, метрология жана сертификация боюнча мамлекеттер аралык кеңештин "КМШнын мыкты стандартташтыруучусу" сыйлыгына сынак жарыяланганын билдиребиз.

        Сынакты уюштурууга жана өткөрүүгө МГСте төрагалык кылуучу Кыргыз Республикасы жооптуу. "КМШнын мыкты стандартташтыруучусу" сыйлыгы беш номинация боюнча ыйгарылат.

           Арыздар 2026-жылдын 1-мартына чейин кабыл алынат.