Кыргызстандарт

2025-жылдын 22–23-октябрында Азербайжан Республикасынын Баку шаарында Азербайжандын Улуттук метрология институтунун базасында КООМЕТтин «Мыйзамдык метрология» боюнча Техникалык Комитеттин (ТК 2) 26-жыйыны өткөрүлдү. Мыйзамдык метрология боюнча эл аралык жана аймактык уюмдардын ишмердүүлүгүнө арналган бөлүмдө BIMLдин директорунун жардамчысы Иэн Данмилл сөз сүйлөп, катышуучуларды OIML жана BIML уюмдарынын иши, ошондой эле CIML жана RLMOнун 60-жыйыны тууралуу маалымдады.

Жыйында сунушталган жана макулдашылган темалар боюнча иштердин аткарылышынын абалы талкууланды. Кыргызстан КООМЕТтин «Мыйзамдык метрология» боюнча ТК2 ишмердүүлүгүнө активдүү катышууда. Мурда Кыргызстан тарабынан ачылган темалар менен катар, анын демилгеси боюнча жаңы темаларды ачуу сунушталган, өзгөчө калибрлөөлөрдүн ортосундагы интервалдарды белгилөө маселеси боюнча, анткени учурда Кыргыз Республикасында бул тармакта олуттуу иштелмелер бар.

Ошондой эле ТК2 жыйынында Кытайдагы OIML-CS системасынын өнүгүшү жана OIML уюмунун санариптештирүү багытындагы ишмердүүлүгү тууралуу маалымат берилди. Ошондой эле багыттар боюнча координаторлорду шайлоо маселеси талкууланды.