Кыргызстандарт

2025-жылдын 10-12-сентябрында БелГИМде, Минск шаарында, Беларусь Республикасында КООМЕТтин 1.10 "Термометрия жана жылуулук физикасы" техникалык комитетинин 22-жыйыны өтөт. Жыйын төмөнкү маселелерди карады: - 2024-2025-жылдардагы 1.10 ТКнын ишмердүүлүгү жөнүндө маалымат, анын ичинде мурунку жыйындын чечимдеринин анализи жана ТК өкүлдөрүнүн эл аралык уюмдардын жана аймактык метрологиялык уюмдардын (РМО) жумушчу органдарынын жыйындарына катышуусу жөнүндө маалымат; - Эталондор боюнча биргелешкен комитеттин (ОКЭ) 26-жана 27-жыйындары жөнүндө маалымат жана кабыл алынган чечимдерге байланыштуу маселелерди талкуулоо; - Салыштырууларды жүргүзүү тартиби боюнча НМИнин ишин жөнгө салган CIPM MRA документтерин колдонуу практикасы. Ошондой эле жыйында ТК мүчөлөрү тарабынан өлчөөнүн бул тармагында жүргүзүлүп жаткан 1.10 "Термометрия жана жылуулук физикасы" техникалык комитетинин алкагындагы негизги, кошумча жана пилоттук салыштыруулардын абалына талдоо жүргүзүлдү. КООМЕТтин катчылыгынын сунуштарына ылайык, иш-чараны бетме-бет форматта өткөрүү пландаштырылган, бирок андан кийин өткөөл мезгил катары 1.10 ТКнын 22-жыйынын гибриддик форматта өткөрүү чечими кабыл алынды. Кыргызстандан бул ТКнын толук кандуу мүчөсү, температура жана нымдуулук эталондук лабораториясынын адиси жыйынга катышты. Бул жыйынга Словакиянын, Россия Федерациясынын, Кытайдын, Беларустун жана башка алдыңкы Улуттук метрологиялык институттарынын термометрия жана нымдуулук жаатындагы метрологиянын стратегиясы жана өнүгүүсү жөнүндө пайдалуу маалымат берген семинар арналды. Ошондой эле SPRT жогорку тактыктагы каршылык термометрин калибрлөөнүн практикалык демонстрациясынын уникалдуу мүмкүнчүлүгү көрсөтүлдү. Жыйындын жана семинардын жүрүшүндө термометрия метрологиясы тармагындагы эң мыкты метрологиялык практика боюнча абдан көп пайдалуу маалымат алынды жана коюлган маселелер боюнча көптөгөн конкреттүү чечимдер кабыл алынды. Өлчөөлөрдүн түрлөрү боюнча мындай жыйындарга катышпай туруп, метрологияны өнүктүрүү жана бардык өлкөлөрдө өлчөөлөрдүн аныктыгын, тууралыгын жана эл аралык деңгээлде таанылышын камсыз кылуу мүмкүн эмес.