Кыргызстандарт

2024-жылдын 5-декабрында, акыркы 34 жылда биринчи жолу жана Кыргыз Республикасынын Министрлер Кабинетинин 2024-жылдын 15-майындагы № 251 "Кыргыз Республикасынын эталондук базасын 2024-2026-жылдарга өнүктүрүү программасын бекитүү жөнүндө" токтомун ишке ашыруу максатында, Кыргыз Республикасынын Министрлер Кабинетинин жана Экономика жана коммерция министрлигинин колдоосу менен, Кыргызстандартын 2024-жылга республикалык бюджетинен 39 588 000 сом акча каражаты бөлүндү. 

Кыргызстандарт бардык зарыл процедураларды ийгиликтүү аяктап, салмак текшерүү комплекси жана 2000 кг чейин салмакты салыштыруу компараторун Кыргыз Республикасынын "Мамлекеттик сатып алуулар жөнүндө" мыйзамына ылайык сатып алды. Азыркы учурда салмак текшерүү унаасы, 40 тоннага чейин салмакты өлчөө үчүн эталондук гирялар топтомдору менен, Кыргызстандартка жеткирилди. 

Салмак текшерүү унаасы — бул ар кандай түрдөгү таразаларды жана массаны өлчөөчү каражаттарды текшерүү жана калибрлөө үчүн жабдуулары менен жабдылган атайын транспорт каражаты. Мындай унаалар таразаларды талаа шарттарында текшерүү үчүн колдонулат, бул таразалык жабдыктардын тактыгын текшерүүгө мүмкүнчүлүк берет, мисалы, складдарда, соода жайларында, ишканаларда же транспорттук түйүндөрдө. 

Салмак текшерүүчү унаа эталондук гирялар топтому, өлчөөчү аспаптар жана салмак өлчөмдөгү жабдууларды калибрлөө / текшерүү үчүн зарыл болгон башка каражаттар менен жабдылган, бул ишти Кыргызстандардын адистери жүргүзөт. Аталган кыймылдуу салмак текшерүү комплекси (салмак текшерүү унаасы) 80 тоннага чейинки диапазондо иштөө мүмкүнчүлүгүнө ээ жана Кыргызстан боюнча жайгашкан, Транспорт жана байланыш министрлигине караштуу автомобиль салмактарын текшерүү үчүн арналган. 

Салмак текшерүү унаасы өлкөнүн экономикасына бир катар маанилүү оң таасирлерди тийгизет, эң башкысы өлчөө тактыгын жакшыртуу, алдамчылыктын азайышы, улуттук өнөр-жай жана айыл чарбасын колдоо жана башка ушул сыяктуулар. Ошентип, салмак текшерүү унаасы экономикалык чөйрөнү жакшыртууда, өлчөө жыйынтыктарына болгон ишенимди арттырууда жана экономиканын ар кандай тармактарынын натыйжалуу иштешине жардам берет.