Кыргызстандарт

Кыргыз Республикасынын Экономика жана коммерция министрлигине караштуу Стандартташтыруу жана метрология борборунун (Кыргызстандарт) басым эталондук лабораториясынын адистери "Кыргызстанда сапат инфраструктурасынын кызмат көрсөтүүлөрүн пайдаланууга көмөктөшүү" Физика-техникалык институтунун (РТВ) долбоорунун алкагында 2024-жылдын 14-20-сентябрь 3,5 МПа (35 бар) диапазонундагы лабораториялар аралык салыштырууга катышышты. Салыштыруу объектиси-бул жогорку тактыктагы санариптик манометр, ал эми иштөө чөйрөсү — жогорку тазаланган азот болуп эсептелинет. Кыргызстандарттын басым эталондук лабораториясынын адистери үчүн бул газ басымын өлчөө жаатындагы мындай иш-чараларга катышкан биринчи тажрыйба, мындан тышкары Шри-Ланканын улуттук метрологиялык Институтунун өкүлү салыштыруу объектисин коштоп жүрөт жана эл аралык талаптарга ылайык жүргүзүлүүчү өлчөө процессине түздөн-түз байкоо жүргүзөт.

Лабораториялар аралык салыштырууларга Кыргыз Республикасы, Өзбекстан Республикасы, Грузия Республикасы, Монголия катышат, ал эми пилоттук лаборатория Шри-Ланканын улуттук метрологиялык институту болуп саналат, анын KICDB BIPM де жарыяланган саптары бар.

Лабораториялар аралык салыштыруу өлчөө натыйжаларына болгон ишенимди жогорулатат жана жалпысынан лабораториялык иштердин сапатын жакшыртат.