Кыргызстандарт

2024-жылдын 19-сентябрында Кыргызстандарттын базасында Кыргызстандарттын директору Болотбек Нурматов менен Росстандарттын жетекчиси Антон Шалаевдин ортосунда эки тараптуу жолугушуу болуп өттү. Жолугушуу Кыргыз Республикасынын Экономика жана коммерция министрлиги менен Россия Федерациясынын Техникалык жөнгө салуу жана метрология боюнча федералдык агенттигинин ортосундагы өз ара түшүнүшүү жөнүндө меморандумду ишке ашыруу программасынын алкагында уюштурулду.

Жолугушуунун катышуучулары бир нече негизги маселелерди талкуулашты, анын ичинде:

• Кыргызстандардын метрологиялык жана сыноо лабораторияларын модернизациялоо;

• Кыргызстандарддын метрологиялык жана сыноо лабораторияларынын адистери үчүн окуу иш-чараларын өткөрүү;

• АРШИН системасын интеграциялоо боюнча иштердин жүрүшү

• Стандартташтыруу жана стандартташтыруу чөйрөсүндөгү процесстерди оптималдаштыруу үчүн «Береста» маалыматтык системасын «Кыргызстандарга» берүү маселелери.

Мындай эки тараптуу жолугушуулардын жана Росстандарттын колдоосунун аркасында Кыргызстандарт олуттуу ийгиликтерге жетишкенин белгилей кетүү керек. Кызматташтыктын алкагында буга чейин метрология адистери үчүн бир нече тренингдер өткөрүлүп, учурда тажрыйба алмашуу максатында «Кыргызстандарт» сыноо лабораторияларынан 14 адис Нижний Новгороддун өлчөө жана ченөө борборуна жөнөтүлгөн, ошондой эле Кыргызтандартка эталондук жабдууларды алып келүү жөнүндө макулдашууга жетишилди.

Бул жолугушуу Кыргызстандарт менен Росстандарттын стандартташтыруу, метрология жана шайкештикти баалоо тармагындагы кызматташуусунун маанилүүлүгүн белгилейт. Биргелешкен аракеттер инфраструктураны модернизациялоого жана адистердин квалификациясын жогорулатууга көмөктөшөт, бул өз кезегинде Кыргызстандард тарабынан көрсөтүлүүчү кызматтардын сапатын жана ишенимдүүлүгүн жогорулатат. Бул өнөктөштүк сапаттуу инфраструктураны андан ары өнүктүрүү үчүн жаңы мүмкүнчүлүктөрдү ачат, бул өлкөнүн экономикасы үчүн олуттуу кадам болуп эсептелинет.