Кыргызстандарт

2023-жылдын 2-мартында Кыргыз Республикасынын Экономика жана коммерция министрлигине караштуу Стандартташтыруу жана метрология боюнча борбордун (Кыргызстандарт) базасында ИӨИ "Марс-энергия" башкы директору Гиниятуллин Ильдар Ахатовичтин катышуусу менен "Энергетика сектору жаатындагы заманбап дүйнөнүн инновациялык продукциясы" темасы боюнча семинар болуп өттү.

Бул семинарга ААК "Кыргызстандын улуттук электр тармагы", ААК "Электр станциялары, ААК "Чакан ГЭС", ЧуПЭС, ААК "Кыргыз энергетикалык эсеп борбору" сыяктуу уюмдардын метрологиялык секторлорунун кызматкерлери катышышты.

Албетте, дүйнө бир эле учурда технология тармагын өнүктүрүү сыяктуу эле, электр тармагындагы метрологиялык жана так көрсөткүчтөрдү өлчөө үчүн эталондук база канчалык так же кандай тактык менен иштейт деген суроо туулат? Ушуга байланыштуу, ИӨИ "Марс-Энерго" башкы директору Гиниятуллин И.А. ИӨИ "Марс-Энерго" эталондор жана өлчөө каражаттары паркын көрсөттү жана аларды метрологиялык лабораторияларда андан ары колдонуу жөнүндө айтып берди. Ошондой эле семинардын алкагында туруктуу токту өлчөө каражаттарына, электр транспортун метрологиялык камсыздоону жана электромобилдер үчүн тез кубаттоочу станцияларды өнүктүрүүгө жана электр энергиясын эсепке алуунун натыйжалуу системасын уюштурууга жана анын сапатын жогорулатууга өзгөчө көңүл бурулду.

Ошол эле учурда Кыргызстандарттын директору менен эки тараптуу жолугушуу болуп өттү, анын жүрүшүндө электр энергиясын эсептөө үчүн өлчөө каражаттарын текшерүү максатында энергетикалык өлчөөлөр жана Кыргызстандарттын электр жана радиотехникалык өлчөөлөр лабораториясынын эталондук базасын модернизациялоо жаатындагы бир катар актуалдуу маселелер талкууланды.